إنجاز علمى تاريخى،اليوم اصبح لدينا صورة حقيقية للثقب الأسود

النهارده يوم مهم في تاريخ البشريه.
حرفياً.. مهم!
النهارده ١٠ ابريل ٢٠١٩ لقطنا اول صوره حقيقيه لأقوي وجود في الكون!
و هو الثقب الاسود.. اقوي حاجه موجوده في الكون لدرجة ان الضوء نفسه بسرعته الرهيبة دي مايقدرش يعدي منه..
حرفياً هو ملتهم الكواكب!
كواكب ايه هو ملتهم كل حاجه و اي حاجه بتقرب منه..
الصوره اللي اتصورت كانت لثقب اسود في قلب مجره عملاقه اسمها Messier 87 بيقولوا عليها M87
الثقب دا بيبعد عن الارض بحوالي ٥٥ مليون سنة ضوئيه!
و كتلته بتساوي ٦.٥ مليار مرة كتلة الشمس!
حاجة ترعب!
حاجه زي دي تتصور ازاي!
هو بصراحه طلع فيلم interstellar مابيضحكش علينا، شكل الثقب الاسود الحقيقي قريب جداً من شكله اللي ظهر في الفيلم..
و طبعاً الفضل كله يرجع للحاج اينشتاين..
المهم اتصور ازاي بردو مش فاهم!
اتصور عن طريق تيليسكوب اسمه Event Horizon Telescope او بيقولوا عليه EHT و دا بقي مش تيلسكوب واحد لا لا لا
دا عبارة عن (٨) محطات رصد متناسقه و موزعه حول الارض بطريقه هندسيه دقيقه بحيث انهم يصوروا في نفس التوقيت و طبعاً مظبوطين بساعه ذريه مستحيل تغلط عشان يلقطوا الصوره في نفس اللحظه عشان نقدر نشوف الثقب في الحقيقه و بالجوده اللي قدامنا دي..
و دا يعتبر طفره علميه قويه جداً هنقدر من خلالها اننا نعرف اكتر عن طبيعة الكون اللي احنا فعلاً يعتبر مانعرفش عنه حاجه و نعرف اكتر عن طبيعة الثقوب السوداء و طريقة عمله و نعرف اكتر عن الماده السوداء و الطاقه السوداء ❤️
البشريه بتحاول و هنفضل نحاول ❤️
و لو عايز تعرف ازاي فعلاً صورنا الثقب الاسود مع ان الضوء نفسه مابيعرفش يهرب منه!
في الحاله دي لازم تستني الحلقات اللي جاية 👌🏻😉
و كالعاده عندك جوجل شوف ابحاث بفتحلك بس افق بمثال..
-المصدر :
https://eventhorizontelescope.org